Hare zard se chaadar ke piche ek muskaan jo dekha tha masjid me,
Wahi muskaan aaj dekhi hai bade ghanton ke peeche mandir me.
Unki bhi aankhein wahi keh rahi thi,
Jo inki aankhon se maine suna hai.
Wo bhi itni hi hame mabrur thi,
Jitne ki ye hamein, aur hum inhe.
Badal jati hai dhoop aur nami kinaro par har mausam me,
Fir wahi dhoop aur nami wapas aati hai baras kar agle sawan me.
Kuch waqht ke liye ek naye mizaaz me kinara hai,
Nayi hai dhoop, garmi, aur zameen pe bicchi chamkeeli ret magar ishq purana hai.
Kuch dhundhla sa hai, baadh aur wo baarish ki andheri raat,
Wo ek kuaan, kuch gaayein, bakriyan, aur kuch fashe logo ki baat.
Mandiro se azaan ki aati awazein aur masjido se dikhti aarti ki lapte,
Na koi dharm, na hi dharmatma, jinko jo mila wahin raha, sab saath dikhte.
Nazar padi fir se us par, hum dono the ek hi chhat par.
Koi dikh na raha tha uske saath, thaki aur bhooki lag rahi thi wo us raat.
Thodi si hi roshni thi, aadha bhi nahi tha chaand.
Paani badh raha tha dhire dhire ek ek haath.
Aisa lag raha tha maano, kabhi na khatm hogi ye baarish,
Doob jayenge sab isme, mar jayenge sabhi is jad me.
Isse pehle ki baaki doobte, hum to doob chuke the.
Paanch saal pehle hi sab is baat ko bhool chuke the.
Mai soch hi raha tha wo saare din jab hum unke saath hote the,
Ek hi aasmaan ke niche, bachpan ki wo jo baat kehte the.
Wo dekhi mujhe ek najar, ro padi unki ankhein bekhabar.
Mai bas dekhta raha unke moti jaise aansu ko, thaam ke fir rakha apni saanson ko.
Bujjili khatm nahi kar paay, na pehle dikhayi thi himmat na hi ab dikhaye,
Annkhein fer li fir se maine ek jhatke me, maano kuch pata hi na ho kya hua pichle kuch lambhon mein.
Kuch hi waqht me fir se peeche chala gaya un toote lambhon mein,
Jab meri ma, unke abbu ke ghar meri shadi ki baat le kar gayi thi.
Us din pure gaon me hamare ghar ki bejatti huyi thi.
Toot gaya hamara rishta us din, mai chala gaya fauj me sarhad par,
Ek bade ghar me taye ho gayi unki shadi,
Nikaah karwa diya gaya unka hame chhal kar.
Magar ab in sab baaton se kya, wo ab beghar hai.
Itne me ek khamba gir gaya mandir ka unki aur,
Mai bhaga unhe bachane jo, kuch logo ne pakad liya.
Log mandir se baadh ke paani me doobte gaye aur marte gaye.
Jane kyo bechani si hone lagi mujhe,
Najre bas dhoondne lagi unhe.
Kahi na dikhi wo mandir ke us paar waha,
Baadh me behte logo aur laasho ko mai ghurta raha.
Thodi subah hone lagi thi,
Magar baarish aur hawayein aur bhi tez chalne lagi thi.
Roshni ke saath andhera is baar khatm na ho raha tha.
Aur door masjid par bhaichaare ka paath bhi!
Paani badhne ke saath logo ka aakrosh bhi badhta ja raha tha,
Aur dharm k adhar par logo ko masjid k upar chadne diya ja raha tha.
Kuch samay baad baarish tham gayi,
Kuch log madad ke liye aaye.
Bhagwan ka maine sukriya kiya, aur baakiyo ko naav par chadhaya.
Hum nikal pade ek dusre gaaon.
Paas se ek naav paar ho rahi thi ,
Dhyan se dekha to unki laas us par rakhi thi.
Jor se mai chillaya aur kood kar us naav par pahucha,
Unko apni baahon me liya, aur ek k baad ek sab yaadein mere aankho ke saamne se paar hone lagi,
Mai ro ro kar unhe jaga raha tha tabhi unki nabz ko maine chua,
Kaafi dheemi thi aur sayad fefdo me paani ghus gaya tha,
Maine paani nikala aur unhe apne ghar le gaya.
Kuch kehti nahi hai wo, sunti sab hai..
Chal nahi paati, hil bhi nahi paati,
Pata nahi wi nafrat karti hai ya mohhabat.
Unki ki majroori hai ya meri sharafat!
Badal jati hai dhoop aur nami kinaro par har mausam me,
Fir wahi dhoop aur nami wapas aati hai baras kar agle sawan me.
Kuch waqht ke liye ek naye mizaaz me kinara hai,
Nayi hai dhoop, garmi, aur zameen pe bicchi chamkeeli ret magar ishq purana hai.
